“АХМАДЫН БАЯР”-ЫГ ТОХИОЛДУУЛАН АХМАДУУДДАА ХҮНДЭТГЭЛ ҮЗҮҮЛЛЭЭ.
Нийтэлсэн: 2019 он 10 сар 02. 11 цаг 54 минут
НҮБ-аас анх 1990 онд ахмад настны баярыг тэмдэглэх шийдвэр гаргаснаар олон орон жил бүрийн аравдугаар сарын 1-ний энэ өдрийг ахмад настнуудаа баярлуулах, хүндлэх, эрх ашгийг нь хамгаалах арга хэмжээг зохион байгуулдаг болсон түүхтэй. Харин Монгол Улс 1992 оны аравдугаар сарын 1-нээс эхлэн ахмад настны баярыг тэмдэглэн өнгөрүүлж байна.
Энэхүү уламжлалаар Дорнод аймгийн Засаг даргын дэргэдэх Статистикийн хэлтсийн хамт олон ахмадуудаа хүлээн авч 1 өдрийг хөгжилтэй, дурсамжтай яриагаар дүүрэн өнгөрөөлөө.
Уулзалтаар ахмад настнууддаа одоогийн хөгжил дэвшил, бүтээн байгуулалт, ололт амжилтаа тайлагнасан ба тэдний үнэтэй сургаалийг сонсон ирж буй 95 жилийн ойн ажлын төлөвлөгөөгөө талаар хэлэлцлээ. Мөн ахмадуудаа гарын бэлгээ гардууллаа. Ахмадууд өндөр сэтгэгдэлтэй ажлын амжилтыг ерөөн буцлаа.
Дэлгэрэнгүй
“ЖЕНДЕР БА ХҮНИЙ ЭРХ” СЭДЭВТ СУРГАЛТ БОЛЛОО
Нийтэлсэн: 2019 он 09 сар 27. 00 цаг 37 минут
Хүний эрхийн үндэсний комиссоос “Жендер ба хүний эрх” сэдэвт сургалтад аймгийн Засаг даргын дэргэдэх статистикийн хэлтсийн дарга хамрагдлаа.
Энэхүү сургалтыг Нэгдсэн Үндэсний Байгууллагын Хөгжлийн хөтөлбөрийн санхүүжилтээр “Монгол улсад мэргэжлийн, иргэн төвтэй төрийн албыг төлөвшүүлэх нь” төслийн “Төрийн захиргаан дахь жендерийн тэгш байдлыг дээшлүүлэх” ажлын хүрээнд зохион байгуулсан юм.
Дэлгэрэнгүй
Эрдэм шинжилгээний шилдэг бүтээл шалгаруулах уралдааныг зарлаж байна.
Нийтэлсэн: 2019 он 09 сар 10. 03 цаг 24 минут
Монгол Улсад Статистикийн алба үүсч хөгжсөний 95 жилийн ойг угтан зохион байгуулж буй эрдэм шинжилгээний шилдэг бүтээл шалгаруулах уралдааныг зарлаж байна. Шинжилгээ судалгааны ажлыг 2019 оны 10 дугаар сарын 23-ны өдөр 17 цаг 30 минут хүртэл цаасаар 203 тоотод, цахимаар tungalag@nso.mn хаягаар хүлээн авна.
Иймд та бүхэн идэвхтэй оролцож, дээрх хугацаанаас өмнө материалаа ирүүлнэ үү.
Жич:Шинжилгээний шилдэг бүтээл шалгаруулахтай холбоотой асуудлаар 99025548, 51-262903 дугаарын утсаар холбогдохыг анхаарна .
Дэлгэрэнгүй
ДОРНОД АЙМГИЙН ӨРХ, ХҮН АМЫН ҮНДСЭН ҮЗҮҮЛЭЛТИЙН ТАНИЛЦУУЛГА ХЭВЛЭГДЭН ГАРЛАА.
Нийтэлсэн: 2019 он 07 сар 03. 01 цаг 41 минут
Энэхүү судалгаанд Дорнод аймгийн 2014-2018 оны хүн амын тоо, өсөлтийн өөрчлөлт, нас хүйсийн бүтэц, хүн амын төрөлт, дундаж наслалт, өрхийн өсөлт, хүн амын шилжилт хөдөлгөөн гэх зэрэг хүн ам зүйн үндсэн үзүүлэлтүүд, тэдгээрт гарсан өөрчлөлт болон хүн амын нийгмийн зарим үзүүлэлтүүдийн талаархи санал дүгнэлт гаргахыг зорилоо.
2018 оны жилийн эцсийн байдлаар 14 сумын 67 багт 24.6 мянган өрхөд 82.2 мянган хүн амьдарч байгаагийн 55.0 хувь нь аймгийн төвд, 14.8 хувь нь сумын төвд, 30.2 хувь нь хөдөө амьдарч байна. 2018 оны нийт хүн амын тоог 2017 оны хүн амын тоотой харьцуулж үзвэл 2587 хүнээр буюу 3.2 хувиар, өрхийн хувьд 494 өрхөөр буюу 2.1 хувиар тус тус өссөн үзүүлэлттэй байна. Хэрлэн сум 46609 хүн ам тоолуулсан байна. 3000-аас дээш хүн амтай Баяндун, Баян-Уул, Дашбалбар, Халхгол, Цагаан-овоо, нийт 5 сум байгаа юм. Дэлгэрэнгүй мэдээллийг энэхүү сайтын "Салбарын танилцуулга" хэсгээс татан авч үзнэ үү.
Дэлгэрэнгүй
ДОРНОД АЙМГИЙН ХҮН АМЫН АМЬДАРЧ БУЙ ОРЧИН, НИЙГМИЙН ҮЗҮҮЛЭЛТИЙН ТАНИЛЦУУЛГА
Нийтэлсэн: 2019 он 07 сар 02. 01 цаг 53 минут
Монгол Улс Ази тивийн төвд, хойт өргөргийн 410 35” – 520 06”, зүүн уртрагийн 870 47” – 1190 57”-ийн хооронд байрлаж, хойт талаараа Оросын Холбооны Улстай 3543 км, өмнө талаараа Бүгд Найрамдах Хятад Ард Улстай 4709.6 км хиллэдэг бол Дорнод аймаг нь Монгол Улсын зүүн хязгаарт байрлалтай.
Дорнод аймгийн газар нутаг нь Монгол улсын анхны гурван аймгийн нэг болсон Сэцэн хан аймагт 1627 оноос, Хэрлэн барсын чуулганд 1728 оноос, Хан хэнтий уулын чуулганд 1911 оноос харьяалагдаж байжээ.
Богд хаант засгийг 1924 онд халж, ардын захиргааг шинээр байгуулахад Хан Хэнтий уулын аймагт 24 сумтайгаар харьяалагдах болсон байна.
Ардын Засгийн газрын 1931 оны 2 сарын тогтоолоор Хан Хэнтий уулын аймгаас 10 хошууг шилжүүлэн Дорнод аймгийг байгуулсан түүхтэй.
1945 оны 2 дугаар сарын 8-ны өдрийн тогтоолоор Чойбалсан аймаг гэж нэрлэх болж, аймгийн төвийг Баянтүмэн хот гэж нэрлэж байсан.
БНМАУ-ын Ардын Хурлын Тэргүүлэгчдийн 1962 оны 3 дугаар сарын 21-ний 68 дугаар зарлигаар Чойбалсан аймгийг Дорнод аймаг гэж нэрлэсэн.
Тус аймаг нь Засаг захиргааны 14 сум, 67 багтай, зүүн бүсийн тулгуур төв юм.
Халх, буриад, барга, үзэмчин зэрэг үндэстэн зонхилон амьдардаг.
Дэлгэрэнгүй
ДОРНОД АЙМГИЙН ХӨДӨӨ АЖ АХУЙН САЛБАРЫН ТАНИЛЦУУЛГА ХЭРЭГЛЭГЧДЭД ХҮРЭХЭД БЭЛЭН БОЛЛОО.
Нийтэлсэн: 2019 он 06 сар 30. 09 цаг 03 минут
“Дорнод аймгийн хөдөө аж ахуй сэдэвт энэхүү судалгааны зорилго нь мал аж ахуйн салбарын ирээдүйн хөгжил, малчдын амьжиргааны талаар бодлого, малын тооны өсөлт өөрчлөлт, бүтэц, малын төллөлт, үржлийн байдал, зүй бус хорогдол, сувайралт, хээл хаялт, бэлчээрийн даац хүрэлцээ, тэжээвэр амьтад, хээлтэгч, хээлтүүлэгч, түүний тохироо болон малтай өрх, малчдын нийгмийн байдал, малын тооны өсөлт бууралтанд нөлөөлсөн үзүүлэлтүүд болон хөдөө аж ахуйн салбарын цаашдын чиг хандлагыг тодорхойлохын зэрэгцээ манай улсын мал аж ахуйн үйлдвэрлэлд аймгийн эзлэх байр суурийг харуулсан мэдээллээр аймгийн удирдлагууд болон хэрэглэгчдийг хангах зорилготой юм.
Дэлгэрэнгүй
АЖ ҮЙЛДВЭР, БАРИЛГА, ҮЙЛЧИЛГЭЭНИЙ САЛБАРЫН ТАНИЛЦУУЛГА ХЭРЭГЛЭГЧДЭД ХҮРЭХЭД БЭЛЭН БОЛЛОО.
Нийтэлсэн: 2019 он 06 сар 30. 08 цаг 49 минут
Аж үйлдвэрийн салбарыг эрчимтэй хөгжүүлэхэд нөөц боломжийг хэрхэн ашиглах, улс, бүс нутгийн түвшинд эзэлж буй байр суурь, цаашдын чиг хандлагыг тодорхойлоход гол зорилго оршино. Аж үйлдвэр, барилга, үйлчилгээний салбар нь Дорнод аймгийн голлох салбар мөн бөгөөд цаашид энэ салбаруудын аймгийн ДНБ-д нөлөөлөх нөлөөлөл, хандлагыг нэмэгдүүлэх, өнгөрсөн оны мөн үеийн гүйцэтгэлтэй харьцуулалт хийх, аймгийн хөгжлийн индексээр эзлэх байр суурийг нэмэгдүүлэх, түүгээр зогсохгүй хувиараа хөдөлмөр эрхлэгчдийг мэдээнд бүрэн хамруулах нь цаг үеийн тулгамдсан асуудлын нэг болж байна. Иймд Дорнод аймгийн тоо мэдээлэл хэрэглэгчдэд аж үйлдвэр, барилга, худалдаа үйлчилгээний салбарын үзүүлэлтийн талаар мэдээлэл өгөх зорилготой хийгдэж буй танилцуулга юм.
Дэлгэрэнгүй мэдээллийн салбарын танилцуулга хэсгээс татан авч үзнэ үү
Дэлгэрэнгүй
ДОРНОД АЙМГИЙН СТАТИСТИКИЙН АСУУДАЛ ХАРИУЦСАН АЛБАН ХААГЧДЫН СУРГАЛТ
Нийтэлсэн: 2019 он 06 сар 20. 09 цаг 36 минут
Үндэсний статистикийн хорооноос “Статистикийн мэдээллийн чанар, шуурхай байдлыг сайжруулах, төрийн байгууллагуудын статистикийн мэдээллийн нэгдсэн сангийн уялдааг хангаж, албан ёсны статистикийн хэрэглээ, ашиглалтыг нэмэгдүүлэх” сургалт 2019 оны 06 дугаар сарын 17-18-ны өдөр Дорнод аймагт явагдлаа.
Дэлгэрэнгүй
